Mi & Mi Empress – Tafari Watkis
STAR VYBZ – “76.1FIRE – TARGET BOARD” WITH FIRE76.1FM
Star Vybz – “76.1FIRE – Target Board” with FIRE76.1FM is a straight talk analysis of whatever topic di discussion is about, wedda it haffi duh wid dance, commentary, music, some sawta fuckery or wateva…yuh get di drift.
We “pin-up” di topic pon di “target board”, wi nuh care ah fuck ah who; and wid love inna wi heart, wi fya some direct analysis, truth darts and daggers at it raas, clear yeye reasoning from a philosophical and deeply, divinely spiritual perspective, viewpoint or standpoint, whichever one a di points dem yuh wah look pon it from, wi nuh cyah; Wi nah judge nutten, wi jus reason and chat it as we see it, looking on from di purest divine space wi mind can fathom inna di body weh wi have, inna di time weh wi inna.
Suh, jus like wid di song we a guh reason pon below, wen wi a reason bout it and wid any odda chuun, wi always ah look fi see if is a high vibration feel good song…how yuh feel wen yuh done listen di song, wedda or not yuh get some good vibes from absorbing dem word-sounds energies deh up inna yuh mental. If yuh nuh get it…yuh nuh get it. If yuh get it….yuh get it. Simple as dat. Now let’s move on to di main topic fi dah edition yah:
MI & MI EMPRESS
by Tafari Watkis
Rated as NYMBA top favourite in FAIM’s high vibe rate music report, The Analysis; Tafari Watkis’ first released single from his upcoming EP, Sweet Loving is, “Mi & Mi Empress” is yet another of the artiste’s high frequency upbeat chuun wid some sweet vibration and todeh wi a guh vibe wid it on Star Vybz “76.1FIRE – Target Board” right here on The Korner.
Released on his House of Joy Creations label, Tafari Watkis exhibit some high energy vocals pon dah track yah and from it come cross wi radar especially wid such high vibe rate attach to it, wi haffi hold a vibe and fling some truth darts up inna it raas. So, today’s topic “Mi & Mi Empress“ by Tafari Watkis is now pin-up pon di Target Board!
LISTEN / STREAM MI & MI EMPRESS
STAR VYBZ | 76.1FIRE – DI TARGET BOARD:
Star Vybz: Weh yuh tink bout dat new track “Mi & Mi Empress” from Tafari Watkis weh top The Analysis as Nymba #1 favourite pon di FAIM high vibe rate music report?
FIRE 76.1FM: …Mi love it enuh man! Mi love it man…..it sweet…it nice…it mellow….eeh eeehi!!! Haha!
Star Vybz: Mi nuh haffi ask if dah one deh a mek all your catalog enuh, nuh true?
FIRE 76.1FM: …Mi nuh haffi answer dat, nuh true? Hahaha…tell mi dat’s a rhetorical question…pleasssse! Weh Nymba put it? Eeh…numba one! Top shelf sitten dat missis! Di letta dem pon di rewind butten get rub out wen dem song deh a play!
Tafari Watkis
Star Vybz: If a yuh did write dah “Mi & Mi Empress”, which of di words dem inna di song yuh woulda change and why?
FIRE 76.1FM: …Yuh si nutten een deh fi change? Kmt…Scrap dah question deh…di song is well written Star Vybz…anything else woulda spoil di cocktail…a wah duh man! Cheh!
Star Vybz: Hahaha…woi…suh tell me, wah kinda medz yuh tink di artiste did a hold when him did a write “Mi & Mi Empress”?
FIRE 76.1FM: …How yuh know ah him write it?
Star Vybz: Ah him write it man FIRE 76.1FM…mi get it from good source seh a him write it. As a matter-of-fact the song was released on his House of Joy Creations label and produce by both Bambooclan & House of Joy Creations…
FIRE 76.1FM: …Gwaan StarV, yuh duh yuh homework…mi like dat. Well it clear fi see seh di artiste versatile…good sign dat…
Star Vybz: …Suh answa mi question den nuh….wah kinda medz yuh think Tafari Watkis did a hold when him did ah write “Mi & Mi Empress”.
FIRE 76.1FM: …Yuh a gwaan like yuh wah try tun mi inna mind reader now enuh…lol…Anyway….vibing wid a Spiritual Ear…di man did deh pon a high medz obviously. Fi sing a chuun like dat wid dem real energy vibration deh requires a balance mind and a Spiritual Eye fi be able fi see di Divine Feminine and honour har suh beautifully wid him verbal vibrations show seh him know the value of women. Suh is a woman medz him did deh pon and not just any shallow baseless medz but a highly divine and blissful medz…maybe spiritually him did all inna a reminiscing mode….
The Analysis – High Vibe Rate Music Report
Star Vybz: Bloodclawt yuh guh well deep wid dah reasoning deh FIRE! Feel like yuh all touch mi soul wid dem words…lol
FIRE 76.1FM: … Well if him is a highly rastaman dat walking wid di Most High Irations inna him system den it stand to reasoning seh him ah guh tink and write highly; and I an Eye, sights dat chuun as highly and irie…cause I an Eye is an absolutely iritically highly blissed representative/branch off DiVine, suh I an Eye sights and know dem irations deh chuu highly (ex)periences dat brought forth di know-ledge…yuh sights?….hahaha…hope di I didn’t lost di Eye’s sights inna di procept…cause we nuh deal wid di con ting enuh..sights?
Star Vybz: Hahaha….A weh yuh a seh man…wi know how fi surf di waves inna deep watas FIRE…haha. Suh weh yuh haffi seh about di 13,600 irie vybz hertz ranking on the NYMBA high vibe rate feel-good song scale…is it deserving?
FIRE 76.1FM: …NYMBA never get it wrong enuh Star Vybz…a we seh all’s correct! A wah duh yuh…The Analysis report 13,600i-VHz vibe rate fi “Mi & Mi Empress”….FIRE 76.1FM seh…well proper!
Star Vybz: Well mi a guh listen out fi hear yuh ah blaze it pon FIRE 76.1FM. Weh yuh seh, heavy rotation?
FIRE 76.1FM: …Blazin’ it non-stop! How yuh mean man! Den nuh mus! Mi cyah tyad fi hear “Mi & Mi Empress” dat mi a tell yuh!
Star Vybz: So before we go…what are some of the word-sounds that stand out to you inna di delivery of “Mi & Mi Empress”?
FIRE 76.1FM: …Mi like how him start wid di intro;
“Well it’s a king and a queen situation
Royalty
and I man say no disturbance…”
Serious business is at hand and yuh nuh haffi ask weh di focus deh pon…yuh seet cause di chorus mek yuh know straight up a wah gwaan when him jump een wid;
“…Mi and mi empress siddung ah relax…Siddung and ana chat…”
Mi also like dah word sound energy yah inna verse one;
“…Nuff kisses and hugs
Express my true love
Royal king and queen sharing quality times together
Nuh Stress between us”
Yuh a hear me man…di rasta seh;
“di binghy fire burning everlasting…yeah
Honor and respect touching the ceiling…Yeah
Honorable woman is a blessing…Yeah
The rasta love a lead the way…”
Mi love hear a man sing respectful words to the Divine Feminine wid some highly blissful and positively charged energy, in these times enuh and nutten cyah move him from di position weh him inna…lol…Yuh see all di part weh him seh;
“…Bobo a hail yuh
Tell him seh mi soon come
Him bring the herb to
Tell him mi nuh waa none…”
Di singer is “…Giving undivided attention to my woman…” hahaha….argument done…yuh see weh mi a seh? hahaha
The Analysis Report Blog | Mi & Mi Empress – Tafari Watkis
Other Songs Featured on 76.1FIRE – TARGET BOARD:
Roots Rasta Man – Tafari Watkis * Rasta Yute – Tafari Watkis * From Day One – Fyah T * Original Style – Treesha & Tóke
Letters To My Love – aDUBta & The Black Oak Roots Allstars * African Queenwoman – Jahmark & the Soulshakers
The Analysis * NYMBA High Vibration Songs * FAIM Hub Radio * iVYBZ TV
Like, share and follow FAIM on our social media platforms.
Comments
This post currently has no comments.