Tafari Watkis to Shower Fans with “Vanilla Cream”
NEW SINGLE TO DROP SOON
Tafari Watkis is about fi serve up sup’m sweet! Oh yes man! …di artiste is about fi dish out some much loved, “Vanilla Cream” , sweet an’ sultry and you wah fi mek sure yuh get your share cause every body love dem some vanilla cream, nuh true? Di song sweet yuh fenneh…mixed by another reggae warrior Phil Watkis, di song siddung sweet yuh si…hmm hm…pon di Radical Roots Record’s riddim. Di new song “Vanilla Cream”, ah carry a deep sensual medz enuh man…I tell yuh…is a well deep and passionately iritical kinda chuun…mi seh mumma..eh! Yuh haffi check it out! Mi get a likkle sneak peek wah day…Yes’m!
Mek mi tell yuh sitten, “Vanilla Cream” is one more irie-vibes, feel-good chuun fi di ladies from di spiritual reggae physicist, Tafari Watkis.…It sweet like caramel pon icecream cake fi real…and I wah tell yuh seh, “Vanilla Cream” ah guh be di 2nd sweet, feel-good vibrational song him ah shower di lovers of him music wid since di year start enuh…yea man leading up to him soon-to-be-released EP, “Sweet Loving”, Tafari Watkis is leaving a trail of feel good vibrations wid some sweet nuggets in him track; setting the pace with some high frequency reggae and dancehall energies. Yuh cyah keep up wid sweet melodies of house-ah-joy-creations from di spiritual reggae physicist? Yea? Den mek sure yuh tap een den nuh if yuh love irie vibes. Ketch all ah di happenings on Tafari Watkis pon FAIM iVYBZ TV on faimhub.com or pon FAIM TikTok or YouTube channel and other social platforms.
And mek mi tell yuh sup’m else to…yuh si if “Vanilla Cream” ah vibrate inna similar frequency like di first single, “Mi & Mi Empress”?…eh!…den dere will be no doubt in what to expect from di EP, “Sweet Loving” when it drop. Plus…and as di EP title suggest, di expectation is, ah some sweet-loving, feel-good music wi ah guh have ah vibrate pon wi eardrums when we chuun een pon Tafari Watkis’ “Sweet Loving” when him unleashed it, eh! Hear wah…mek sure fi keep yuh yeye dem out fi “Vanilla Cream”, yuh si…hmm hm…suh yuh can get fi add it to yuh sundae fus as it drop, woi it sweet!
Memba enuh…mek sure yuh follow wi pon TikTok and subscribe to FAIM YouTube channel suh yuh get di info first; when Tafari Watkis serve up his “Vanilla Cream” and him “Sweet Loving”. If yuh wah some more exclusive content email the words “Star Vybz” to info@faimhub.com so you can latch een fi get some more high vibrational energies up inna yuh energy field. Anyway, walk good and wi chat next time…yuh ere?…irie ites.
The Analysis Report Blog * NYMBA High Vibration Songs * FAIM Trophy & Awards * iVYBZ TV
Like, share and follow FAIM on our social media platforms.
Comments
This post currently has no comments.