Reggae Dancehall Music News Target Board THE KORNER

African Queenwoman – Jahmark & the Soulshakers

FAIM Hub | June 19, 2023

STAR VYBZ – “76.1FIRE – TARGET BOARD” WITH FIRE76.1FM

Star Vybz – “76.1FIRE – Target Board” with FIRE76.1FM is a straight talk analysis of whatever topic di discussion is about, wedda it haffi duh wid dance, commentary, music, some sawta fuckery or wateva…yuh get di drift.

We put di topic pon di “target board”, wi nuh care a fuck a who; and wid love inna wi heart, wi fya some direct analysis, truth darts and daggers at it raas, clear yeye reasoning from a philosophical and deeply, divinely spiritual perspective, viewpoint or standpoint, whichever one a di points dem yuh wah look pon it from, wi nuh cyah; Wi nah judge nutten, wi jus reason and chat it as we see it, looking on from di purest divine space wi mind can fathom inna di body weh wi have, in a time weh wi inna.

Suh, jus like wid di song we a guh reason pon below, wen wi a reason bout it and wid any odda chuun, wi always a look fi see if is a feel good song…how wi feel wen wi done listen di song, wedda or not yuh get some good vibes from absorbing dem word-sounds energies deh up inna yuh mental. If yuh nuh get it…yuh nuh get it. If yuh get it….yuh get it. Simple as dat. Now let’s move on to di main topic fi dah edition yah:

AFRICAN QUEENWOMAN
by Jahmark & the Soulshakers, taken from on his album Vigilance.

“African Queenwoman” is a high vibrational track on Jahmark & the Soulshakers‘ latest album, Vigilance; released last summer, somewhere around August, 2022. The album in itself carries a consciously irie and upful vibration wid some whole heap ah feel-good frequency and todeh wi a guh vibe wid di eleventh track, “African Queenwoman” from di Vigilance album, right yah suh, pon Star Vybz “76.1FIRE – Target Board”.

African Queenwoman a pump some strong i-VHz and a kick up some serious lioness vibes when hit wi radar, comin een pon some high vibration…suh yuh done know how it guh yah suh…if wi a vibe good wid it, then it a vibe good wid we; and wi ah guh fling some darts up inna it raas. So, today’s topic “African Queenwoman“ by Jahmark & the Soulshakers is now pin-up pon di Target Board!

LISTEN AFRICAN QUEENWOMAN

STAR VYBZ | 76.1FIRE – DI TARGET BOARD:

STAR VYBZ | 76.1FIRE – DI TARGET BOARD:

The Korner: You know wi start it standard, straight up…would you play Jahmark & the Soulshakers’ track, “African Queenwoman” from the album Vigilance on FAIM internet radio?
FIRE 76.1FM: Yuh wah ask mi dat again suh mi can gi two answers inna one? Lol….A song like dem deh FAIM Internet Radio Evolution represents suh playing it on FIRE is a given…of course it haffi up deh pon top shelf inna di library.

The Korner: Would you add it to your own personal playlist?
FIRE 76.1FM: Yuh cudda ask dat?…kmt…dat deh pon personal playlist (PP) from di fus time di album come cross mi desk fi review…lawks…lol…mi nuh business anybody wah tink any different…but a my chuun dat….a mi dem write it fah….suh if a my chuun it nuh must cock up pon top a my PP! hahaha..

The Korner: Hahaha…Wah…a suh yuh love it?
FIRE 76.1FM: Love it suh till it feel like wen mi a dance to it, mi and it a one…lol…yea man, vibration latch een and mello mi out…hahaha…like mi sweet chocolate tea wid coconut milk…sipping inna di Cockpit Country mountain breeze up a Trelawny…lol

The Korner: Would you recommend “African Queenwoman”?
FIRE 76.1FM: Yea man…is a big bumbawt chuun…a weh yuh a seh man….mi couldn’t keep di knowledge from flowing into di ears a dem weh need dem type a vibration deh…haffi spread di Ubuntu…yuh sights!

The Korner: Why would you recommend it?
FIRE 76.1FM: A di perfect time fi searching ears harvest dem sweet nectar fruit deh…weh have up whole heap a feel-good vibration fi some people ears connect wid, especially di ones dem weh wah fi meditate wid some higher frequency sounds weh nuh fraid fi push feminine power up inna di ethers suh di riddim ah di scale can balance pon a more harmonious frequency. Plus wi wudda also recommend it to music players fi encourage di man and woman artiste dem fi sing and chant some more holistic music fi di higher conscious minds inna dese times. Suh yes mi wudda recommend it fi more reasons dan one and dat weh mi jus seh sum it up somewhat.

The Korner: Agree wid yuh pon dat wholeheartedly…mi get a nice vibes even after mi done listen it…run it one more time fi mi deh…lol…hope mi nah cut een pon yuh time.
FIRE 76.1FM: Hahaha…nah man…a weh yuh a seh man! Cut een pon wah kinda time…turpen-time? Hahaha…Lift up! From di top…to di very last drop… “African Queenwoman” wid di high vibration one more time 76.1FIRE!

The Korner: What are some of the word-sounds dat stand-out to you inna di delivery of di song?
FIRE 76.1FM: Di whole delivery a di song stand out to me, not just the word sounds. Mi like di essence a weh di song bring, giving inna eye and listening inna ear di option to see the true nature of a African Woman inna a more queenly persona; instead of one that is portraying her as a sexual display object or trophy to parade roun’ and show-off wid; plus any of the other low vibrational frequencies some tend to attach to woman through some a dem low vibe song deh weh did ah run rampant inna wi airwaves unchecked fi ages dat di low-vibe gatekeepers ah present to di people as hype/popular songs. Mi love di good vibration weh hit from di intro kick off wid, “Mother of I-ration, mother of creation, mother of I-ration”…den furda dung wen di artiste come een wid,
“…Ask me what I see in you woman
When I look I see natural royal beauty, beauty
Some people believe in falling in love
But I know that I ‘n I love is rising, rising”
As the sweet flight of a turtledove…”

Mi like di chorus to enuh…it nuh just catchy, it irie and ah vibrate different word sounds of di African Queenwoman mek yuh wah get up and rock een pon di beat….si weh mi a seh?

The Korner: Yea man…

FIRE 76.1FM: Den di second verse a gi yuh a likkle bit a history wid,
“…By the rivers of a-Babylon
Sometimes not easy to remember
When we trod like kings and queens
In that beautiful African garden, but baby
When I look into your big brown eyes, yeah
It’s an ancestral connector, a resurrector
When we were young and free, royalty
Before the coming of the ugh! The trophy hunters…”

Bun a fyah pon di dutty trophy hunters….haha….it gash a fya right deh deh suh….and even dung to end a di song…inna di last verse…di vibration deh deh a elevate the African Queenwoman said way, highlighting her “Creatress” power, balancing it out wid di energy of Jah using word-sounds like;
“…Like a Solomon and Sheba inna the days of old
loving so strong it coulda never grow cold
Like a fertile bloom, fruit-a-di-womb
treasures galore enough fi full up di throne-room
Jah bless I with a son and a daughter none too soon
feeling irie hafi sing you this ya tune…”

Di song nice yah man…di song swweetttt….a dem kinda bumboclawt song yah mi wah hear weh a push vibration eena di ethers fi help raise up mi Nubian sistas dem and elevate wi Matriarchal Ancestors of old who fah spirits a turn over and over inna dem grave to di type a fuckery energy some man a push out inna song dem seh a fi woman but if yuh fi tek weh di bloodclawt voice and listen to di music alone it feel like yuh skin a crawbup-crawbup. Mi raasclawt…den all some woman weh a sing some song…wedda dem wah accept or not…nuh know seh dem a draw low vibrational energy to demself wid di chuun weh dem sing? Yah yah…di scale need fi balance yah now mama…causen seh, wedda inna ignorance or outta it…some a dem weh a come wid dem type a shit song deh need fi get slap wid shit cause a shit energy dem a push and wateva dem push a dat dem fi get back and walla wop…scale balance….moving right along…chuun like “African Queenwoman” activate good vibration…dat a feel-good song…yea man!

The Korner: Hahahaha…..hahaha…Suh weh yuh seh, dah one yah a definitely guh inna yuh catalog?
FIRE 76.1FM:…Like mi seh earlier…it deh pon top shelf…no ifs no buts…hahaha…a wah duh dem…76.1FM…a tek it to dem!

The Korner: Upful and righteous! Suh pon di NYMBA Flow FEEL-GOOD SONG scale, how many feel-good stars you think “AFRICAN QUEENWOMAN” would receive?
FIRE 76.1FM: It get 9 feel-good stars and rank No.1 NYMBA favourite pon Star Vybz Feel-Good Songs chart fi di month ah June. Yuh can follow di ratings pon wi High Vibration Songs list with updates coming een pon a monthly.

FAIM Hub Feel-Good-Songs Trophy - June 2023 TOP FAV FEEL-GOOD SONG FOR JUNE | AFRICAN QUEENWOMAN – JAHMARK & THE SOULSHAKERS