From Day One – Fyah T
STAR VYBZ – “76.1FIRE – TARGET BOARD” WITH FIRE76.1FM
Star Vybz – “76.1FIRE – Target Board” with FIRE76.1FM is a straight talk analysis of whatever topic di discussion is about, wedda it haffi duh wid dance, commentary, music, some sawta fuckery or wateva…yuh get di drift.
We put di topic pon di “target board”, wi nuh care a fuck a who; and wid love inna wi heart wi fya some direct analysis, truth darts and daggers at it raas, clear yeye reasoning from a philosophical and deeply, divinely spiritual perspective, viewpoint or standpoint, whichever one a di points dem yuh wah look pon it from, wi nuh cyah; Wi nah judge nutten, wi jus reason and chat it as we see it, looking on from di purest divine space wi mind can fathom inna di body weh wi have, in a time weh wi inna.
Suh, jus like wid di new music we a guh reason pon below, wen wi a reason bout it and wid any odda chuun, wi always a look fi see if is a feel good song…how yuh feel wen yuh done listen di song, wedda or not yuh get some good vibes from absorbing dem word-sounds energies deh up inna yuh mental. If yuh nuh get it…yuh nuh get it. If yuh get it….yuh get it. Simple as dat. Now let’s move on to di main topic fi dah edition yah:
FROM DAY ONE
New Music Released by Oneness Records
On January 27, 2023, almost a month prior to releasing reggae single Original Style by Treesha & Tóke’s, Oneness Records released Fyah T’s single, “From Day One” pon di More Love Riddim, and wi a guh vibe wid it todeh pon Star Vybz “76.1FIRE – Target Board”.
Jus as wid Treesha & Tóke’s “Original Style” , dis too was produced by Moritz von Korff . It come cross wi radar and jus as we did wid Original Style let’s dart in likkle bit pon today’s topic. Fyah T’s “From Day One“ is now pin-up pon di Target Board!
LISTEN / STREAM FROM DAY ONE
STAR VYBZ | 76.1FIRE – DI TARGET BOARD:
The Korner: Would you play Fyah T’s single, “From Day One” on your internet radio?
FIRE 76.1FM: Most definitely, a fya chuun…it a kick and a punch! mi loike it!
The Korner: Would you add it to your own personal playlist?
FIRE 76.1FM: a weh yuh a seh man! yeah man!
The Korner: Why?
FIRE 76.1FM: It a chop and it nuh partial and di artiste nuh fraid fi gash and dash ah fya…A my kinda chuun dem deh weh raw like yam outta grung but cook up a nice likkkle punch. And dere’s also a level of conscious awareness inna it enuh….message a send inna it and who have ears fi hear di message, will….enuh.
The Korner: Would you recommend “From Day One”?
FIRE 76.1FM: Yea man….of course.
The Korner: Why?
FIRE 76.1FM: Why not? Di same reason mek it a get feature pon di Kawna….it a send a message weh deserving fi send and if ears deh deh fi get dat message and both di ears and di song deh pon mi radar, den it stand to reasoning seh mi a guh help facilitate di connection of song and ears if it is in my power to do so and di energy is sufficient. Nuh true?
The Korner: Mi agree wid yuh…it deserving fi feature pon The Korner; is a good fya chuun fi blaze up unda babylon bumboclawt
FIRE 76.1FM: Not only dat, and yuh can use di word-sound energy clawt dung some evil parasitic people….wen it a ask dem di pertinent question anybody weh a still hold on pon dem “human-ness” a guh ask anybody weh a act and react inna dem lower vibrational estate, like parasites, “How yuh fi wuk fi satan?! dwbcl….bloodclawt….a fucking good question dat enuh…nuh true?! How di fuck yuh fi wuk fi satan…den if a satan yuh a wuk fah…weh yuh a duh fi God? To raasclawt…good fucking question to a evil fucking act if yuh ask mi…dwrcl…equation a try fi balance! Di artiste asking di satan employees a question, how unuh can wuk fi dah satanic energy deh?…bloodfya and di answer deh right deh deh enuh…inna di miggle..hahaha.
The Korner: What are some of the word-sounds dat stand-out to you inna di delivery of di song?
FIRE 76.1FM: DWL! Di whole a it! Start to finish…lol…but pon a serious note, “…to di Most High life is great”…mi like di vibration from deh word-sound deh… and dem lines yah a punch up inna di cloud wid some fya flames;
“How yuh fi work fi satan?
I an I ah mek yuh know…Jah is di greatest
Greater dan dem palace wid di golden tower
Greater dan dem pope wid him evil power
Ah all a dem fi wash weh wid di rain and shower…”
and him come een wid di line, “Light mi fya hotta inna di darkest hour”…. fi mi dat a show strength in having hope even in a what appear to be hopelessness.
However di word-sounds energy weh stand out more dan ever wid mi, is inna di line weh seh, “Righteous people always look for righteous ways…” yuh see jus dah bloodclawt line deh alone man! Cho raasclawt….and exactly how di artiste deliver it? Frig! Yes to raas man…dat fi mi, sound like it a come from ah absolute pure space and dat sell di song fi mi….
The Korner: Weh yuh seh, dah one yah a guh pon yuh catalog?
FIRE 76.1FM:A weh yuh a seh man! nuh must!…Yuh nuh see seh di whole ah di blertsnaut chuun a fya from bottom to top…top to bottom …raasclawt, mi haffi mention dah line yah…”who have eyes mek dem see again….who have ears mek dem hear, dem fi feel again…” Yuh ketch dem word-sounds energies deh!? Nuff power full up inna dah line deh! Yes to raas man…a feel good chuun dat…it a push power wid di word-sounds energy, tek it how yuh wah tek it. lol…di word-sounds energy a kick some fya up unda some cackahole weh nuffi love it…woi!
The Korner: Pon di NYMBA Flow FEEL-GOOD SONG scale, how many feel-good stars you think “FROM DAY ONE” would receive?
FIRE 76.1FM: Maybe 7-8
Other recently released singles by Oneness Records:
Original Style – Treesha & Tóke * Letters To My Love – aDUBta & The Black Oak Roots Allstars
NYMBA Top 10 Feel-Good Songs * NYMBA High Vibration Songs * FAIM Hub Radio
Like, share and follow FAIM on our social media platforms.
