Original Style – Treesha & Tóke
STAR VYBZ – “76.1FIRE – TARGET BOARD” WITH FIRE76.1FM
Star Vybz – “76.1FIRE-Target Board” with FIRE76.1FM is a straight talk analysis of whatever topic di discussion is about, wedda it haffi duh wid dance, commentary, music, some sawta fuckery or wateva…yuh get di drift.
We put di topic pon di “target board”, wi nuh care a fuck a who; and wid love inna wi heart wi fya some direct analysis, truth darts and daggers at it raas, clear yeye reasoning from a philosophical and deeply, divinely spiritual perspective, viewpoint or standpoint, whichever one a di points dem yuh wah look pon it from, wi nuh cyah; Wi nah judge nutten, wi jus reason and chat it as we see it, looking on from di purest divine space wi mind can fathom inna di body weh wi have, in a time weh wi inna.
Suh, jus like wid di new music we a guh reason pon below, wen wi a reason bout it and wid any odda chuun, wi always a look fi see if is a feel good song…how yuh feel wen yuh done listen di song, wedda or not yuh get some good vibes from absorbing dem word-sounds energies deh up inna yuh mental. If yuh nuh get it…yuh nuh get it. If yuh get it….yuh get it. Simple as dat. Now let’s move on to di main topic fi dah edition yah:
ORIGINAL STYLE
New Music Released by Oneness Records
Oneness Records released Treesha & Tóke’s latest single, “Original Style” from di More Love riddim selection and suh Original Style a di topic today pon di Target Board
Di track, which has Moritz von Korff listed as di producer, was actually released pon 17, February 2023, and gimmi a cool Sunday afternoon relaxing kinda vibe…yuh know dem reggae lovers rock kinda vibe deh? Yea, dem one deh. Di song start off nice and crisped “Original style…original style…woi…Give you love inna original style…Original style…woi…” wid nuff clarity and gwaan good but some part dung inna di miggle section mi couldn’t ketch one and two a di words dem but odderwise it was reasonable.
Is a respectable enough song and mi nuh hear like di man a dis di woman or di woman a dis di man in deh, mi ketch a positive vibes inna it. It wah sound like it a tell a story to enuh…lol…maybe people weh a fall inna love and a act like dem shy cyah play dah song yah fi break di ice.
LISTEN / STREAM ORIGINAL STYLE
STAR VYBZ | 76.1FIRE – DI TARGET BOARD:
The Korner: Would you play Treesha & Tóke’s latest single, “Original Style” on your internet radio?
FIRE 76.1FM: Yea, it have a nice likkle flow.
The Korner: Would you add it to your own personal playlist?
FIRE 76.1FM: No, nuh really.
The Korner: Why not?
FIRE 76.1FM: Di song nuh really connect wid mi like dat, enuh.
The Korner: Would you recommend it?
FIRE 76.1FM: Yea…Of course, sure.
The Korner: Why recommend it if it nuh connect wid yuh like dat??
FIRE 76.1FM: For me, it’s a good song being presented by some good vocals with some good flow and melody. Did I feel the energy of the song? Yes. Did I connect with the vibrational frequency? No. However, it being a good song with some sweet melodious flow, may just connect differently with others who can maybe vibe with it different and stay latch een wid di word sound; suh depending on who, I may recommend and for dat same reason mi wudda give it airplay and allow adda listeners to experience di song.
The Korner: Pon di NYMBA Flow FEEL-GOOD SONG scale, how many feel-good stars you think “ORIGINAL STYLE” would recieve?
FIRE 76.1FM: Maybe 5-6
Other recently released single by Oneness Records:
Letters To My Love – aDUBta & The Black Oak Roots Allstars * From Day One – Fyah T
NYMBA Top 10 Feel-Good Songs * NYMBA High Vibration Songs * FAIM Hub Radio
Like, share and follow FAIM on our social media platforms.
