Roots Rasta Man – Tafari Watkis
STAR VYBZ – “76.1FIRE – TARGET BOARD” WITH FIRE76.1FM
Star Vybz – “76.1FIRE – Target Board” with FIRE76.1FM is a straight talk analysis of whatever topic di discussion is about, wedda it haffi duh wid dance, commentary, music, some sawta fuckery or wateva…yuh get di drift.
We put di topic pon di “target board”, wi nuh care a fuck a who; and wid love inna wi heart, wi fya some direct analysis, truth darts and daggers at it raas, clear yeye reasoning from a philosophical and deeply, divinely spiritual perspective, viewpoint or standpoint, whichever one a di points dem yuh wah look pon it from, wi nuh cyah; Wi nah judge nutten, wi jus reason and chat it as we see it, looking on from di purest divine space wi mind can fathom inna di body weh wi have, in a time weh wi inna.
Suh, jus like wid di song we a guh reason pon below, wen wi a reason bout it and wid any odda chuun, wi always a look fi see if is a feel good song…how wi feel wen wi done listen di song, wedda or not yuh get some good vibes from absorbing dem word-sounds energies deh up inna yuh mental. If yuh nuh get it…yuh nuh get it. If yuh get it….yuh get it. Simple as dat. Now let’s move on to di main topic fi dah edition yah:
ROOTS RASTA MAN
by Tafari Watkis
“Roots Rasta Man” is a roots radical, high vibrational single, released in March 2020 by this prolific roots reggae artiste, Tafari Watkis. The song vibrate some very strong lyrical content pon di sweet reggae frequency and suh wi a guh vibe wid it right yah suh tideh, pon Star Vybz “76.1FIRE – Target Board”.
Reggae Artiste – Tafari Watkis
Roots Rasta Man ah fi di radically charged minds weh absolute nuh bumboclawt…and nah compromise fi nutten. Di song ah fling nuff nuff lyrical fya up inna Babylon rassclawt, bold and courageous; and we love bold & courageous, suh today’s topic “Roots Rasta Man” by Tafari Watkis on the House of Joy Creations label is now pin-up pon di Star Vybz Target Board!
LISTEN ROOTS RASTA MAN
STAR VYBZ | 76.1FIRE – DI TARGET BOARD:
Star Vybz: Suh FIRE, weh yuh really think about dis song yah, “Roots Rasta Man” by Jamaican Reggae artiste, Tafari Watkis?
FIRE 76.1FM: Weh mi tink bout it?…weh deh deh fi tink bout Star Vybz, adda dan fi jus blast it chuu every speaker inna di house?! hehehe…a fi mi chuun dat man…ah high vibe rate blertsnaut chuun dat….haha…yeah man…ah fya chuun! A dah chuun deh fuss draw mi attention to di artiste.
Star Vybz: Eehi? When yuh seh draw yuh attention to di artiste, what exactly yuh mean?
FIRE 76.1FM: Him non-compromising stance weh him tek inna di song, mi mind went to wondering if him true to dem words. Den FAIM guh blog di chuun & feature it pon di Korner and di next ting yuh know a di artiste dat reach out inna conscious livity giving thanks fi di strength in a noble iration which led I an Eye to guh check out some more ah him music and see di vibration in other songs weh him sing.
The Prolific Tafari Watkis
Star Vybz: Yea dat good man…suh yuh get fi experience di artiste first-hand?
FIRE 76.1FM: .eehi…yea man…and ah wah tell yuh to…it create a vibration dat provide I an Eye wid di confirmation of di thoughts weh I did medz wen I pree di song…”is dis man a good and righteous man and true to him words weh him sing and does he hold any sort of discipline and order weh a guh keep him firm and solid suh dat nuh matta wah, him cyah crumble inna Babylon under Babylon effects and side-effects“….yuh sights?
Star Vybz: Irie. Suh which part of di song resonate wid yuh di most?
FIRE 76.1FM: Di whole a di song resonate wid I an Eye man…Nuh one part nuh stand out to be honest, in fact, multiple parts jump up inna di focus right throughout di song. Firstly, di intro kick start di song wid a high level of conscious awareness and as one who embrace the labels, lioness empress and is in constant motion wid di Most High, mi particularly like;
“Sing praises to the Most High
All rastaman all empress
All lion and lioness“
Now wi cyah guh quote di whole a di song cause nuff lyrics up inna it and people attention span is challenging dese days suh mek mi just reference dem few lines yah suh and yuh sip dat cause dat alone can full up spiritual belly. Ketch di bloodclawt energy inna di chorous:
“…Shub up yuh hand
From yuh know
Yuh a roots rasta man
Roots lioness from Jah creation
Naa bow dung to Babylon
Dutty plan…”
And den ketch dem lines yah inna verse 1
“…But dem cyaa get mi out inna nuh corruption
Because rastaman nuh inna nuh bangahrong
Naa bow dung and wi nuh guh reform
Naa bow dung and wi naa tek part
Naa tek part inna dem election…“
Fya bloodclawwt darts dem deh enuh Star Vybz, wid some strong energy. Nuff a dem out deh weh a sing some lyrics pon di reggae & dancehall beat nah sing nutten weh dem a live ah raasclawt enuh…bere false impressions dem a create weh, if yuh put dem to di test dem fail di very bumboclawt exam weh dem set fi demself all wen dem copy….cause dem live a lie whilst singing truth sounding words suh dem can mek ah hit…and we can spot dem inna dem lyrics and know dem vibration from mile and distance but wi nah judge nuh body cause a fi dem ting dat and ongle dem can really judge demself fi betta demself. But anyway, so wen mi hear lines like, “…Righteousness inna mi meditation…”, “…Conscious meds bring sanity…” and “…Solid as a rock dem coulda neva move us…”, dem words deh bring to focus personal standards (weh you know from experience) that vibrates wid certain mindset and yuh know seh if words and actions nuh match up den dat man or woman off-balance…suh anybody weh a sing dem type a chuun yah certain way, mind haffi deh pon a certain ites or looking to get dere otherwise dem just pretending to be dere….yuh sight?
Star Vybz: Yeah man…real chat and moving right along. Number one pon di Feel-Good Song chart, with a High Vibe Rate of 13800i-VHz, weh yuh haffi seh bout dat?
FIRE 76.1FM: PAR EXCELLENCE x5 Star Vybz!! Nynynyny…Nynynyny…NYMBA! NYMBA feel-good song scales both weighed and measured di blertsnawt chuun; registering a bumbawt high vibe rate frequency of 13800i-VYBEs Hertz (i-VHz) pon di NYMBA iRIE VYBES FREQUENCY SCALE & CALCULATOR and ten feel-good stars pon di NYMBA FLOW FEEL-GOOD SONG SCALE by positioning itself nicely pon di upper level of the FGFRN7 frequency band range, gaining fi itself 10 feel-good stars dat come wid 100 feel-good points bringing it to di top spot to tie wid Rasta Yute pon di top 100 High Vibration Songs list and if remain there, both will share the spectacular FAIM iVYBZ Song Award at the end of the year.
Di scales are on point…a we seh balance inna reggae music and NYMBA Ubuntu Spirit Scales always get it right every bloodclawt time! Memba dat rass! NYMBA stamp of approval engrave pon dah chuun yah and brand it wid a High Vibe Rate, giving it a iVYBZ status ‘N’ (PAR EXCELLENCE x5) wid di 100% Premium Quality seal. A deh suh it deh enuh…Roots Rasta Man by Tafari Watkis win di bloodclawwt FAIM Blue Mic trophy wid di most NYMBA feel-good star points fi the month of August while sitting comfortably ah di top of di NYMBA Top 10 Fav Feel-Good Song Chart.
Star Vybz: Bwoy all mi knw seh is dat wen di song a play mi jus wah get up and skyank wid some powerful thoughts inna mi head as mi mentally shuub mi shoes bottom inna Babylon face!!! hahahahaha!
FIRE 76.1FM: Mi nah show yuh man…bloodclawwttt! Word Sound Power!!!! Roots Rasta Man a spit fya! And tek een di bumboclawt riddim….vibration strong up inna dat too not jus di lyrics…mi can hear di different instruments dem ah talk to me inna di musical blend…clarity, vibrancy, context, everyting up een deh…cho rass, best fi just check out NYMBA Top 10 fi August pon iVYBZ TV fi yuhself.
Star Vybz: Suh which shelf Roots Rasta Man deh pon inna yuh catalog?
FIRE 76.1FM: Top shelf! As mi reach up mi fi find it…hehehe
Star Vybz: Solid! Run it again nuh…mi feel like mi wah shuub mi shoes bottom inna Babylon face again…..hahahaha woi!!!
FIRE 76.1FM: Dat mi a bloodclawt talk bout!….how yuh mean! One more time pon di vampires!
“Serious mi serious
Naa skin nuh teeth
Shub mi shoes bottom inna Babylon face
Serious mi serious
Naa skin nuh teeth
Rasta man chant
Fire bon dem suh deep”
Star Vybz: Hahaha Roots Rasta Man bring a different kinda vibe to di Target Board todeh, nuh true?
FIRE 76.1FM: Weh yuh a seh man…fi real….radical and bloodclawt kicking and clawing at dutty Babylon….it have a warrior vibe yuh nuh….ah revolutionary tone dat rings sweet inna di heart of di revolutionary minds across di human spectrum….Fya fi bumboclawt babylon and Tafari Watkis ah blaze it pon dem wid a 13800i-VHz calibre spitfya weapon call “Roots Rasta Man“. FIRE76.1!
Star Vybz: Same suh…ah blaze wi blazin! Vibration up…medz sky high…mek wi wrap up and draw een yah now….any last words before we step weh from dah dimension yah?
FIRE 76.1FM: My last words right now are, big yuh bloodclawt self Missa Tafari Watkis any weh yuh deh yah now. Yuh a real yute, yuh a real bumboclawt artiste and yuh a hold real livity. Keep coming wid di high vibration lion roars at di vampires dat mek up babylon and FIRE 76.1FM will mek sure at most, over yah suh, yuh fya ah blaze pon dem nastiness dem widout apologies cause wi nuh speak truth and sorry. Suh Star Vybz mek we continue to send up some good vibration fi artistes like Tafari Watkis weh a sing some uncompromising chuuns because dem demself nuh compromise. Mi dash a fya, throw mi cawn but mi nuh call nuh fowl. Sights & Visions cause we walk inna Ubuntu Love.
TOP FAV FEEL-GOOD SONG FOR AUGUST | ROOTS RASTA MAN – TAFARI WATKIS
Other Songs Featured on 76.1FIRE – TARGET BOARD:
Rasta Yute – Tafari Watkis * From Day One – Fyah T * African Queenwoman – Jahmark & the Soulshakers
Letters To My Love – aDUBta & The Black Oak Roots Allstars * Original Style – Treesha & Tóke
NYMBA Top 10 Feel-Good Songs * NYMBA High Vibration Songs * FAIM Hub Radio * iVYBZ TV
Like, share and follow FAIM on our social media platforms.
