Detained in the UK Again – A Wah A Gwaan Popcaan?
POPCAAN DETAIN IN THE UK AGAIN FI FUCKERY!
Suh dem detained Jamaica’s International recording artiste, Popcaan inna di UK Monday gone, mekking it di second time inna di span of a month dem people ova deh inna UK a harass di Jamaican artiste. A weh dem a deal wid? Why dem deh pon him suh?
Him mek it known to him fan dem inna him Instagram stories dat yet anedda time di UK people dem detain him, fi wat? Wi still a wait fi find out. Inna di video, Popcaan show him fans dem di detainment papers him received and did a kinda laugh it off fi maintain a higher vibration and keep inna high spirits.
Dis a weh him seh, “seet deh, a dat gwan, Every time man forward a UK dem detain me, an go detain the killy to.”
Di Jamaican artiste was later released and was seen exiting di airport, according to report pon zipfm.net. Di Unruly Boss is reportedly inna di UK as a special guest of di Gorillaz and is set fi join di band pon stage at di All-Points East Music Festival dis Friday inna Victoria Park.
Before dis yah harassment, dem di detain Popcaan back inna July, weh dem subject him to almost 4 hours ah interrogation. Puppa jezzaz! Den mek dem a focus pon him suh? Question haffi ask cause nuh dis wah day again, inna January inna dis ya year, immigration officials claim seh dem was mistakenly confused him “Unruly Clan” fi some so-claimed St Catherine-based criminal network, “Unrly Gang”. Wat a ting doh eeh?!
Like, share and follow FAIM on our social media platforms.
Rytrust Vyrous
August 17, 2022 at 8:59 pm
Suh Dem love pressure poor people pickney weh find a way out, but mi love how him laugh it off still.
Comments are closed.