Spell Breaker – ep02

BREAKING THE CON IN DEM TEXT AND SEQUENCE
WITH COMMON SENSE REASONING

Greetings in the Everlasting Energy of “The Ever Living Good”. Welcome to today’s spell breaker session which is kind of an extension of the previous episode where wi had analyzed di spell word CONSCIENCE. Di CON in di SCIENCE runs deep wid a whole heap ah stems, so wi a guh vibrate some fya and buss some canon up ‘inna di evil patriarchal rabbit’s kakka hole’ tideh and sledge hamma di spell words CONTEXT and CONSEQUENCE wid di usual strong yaadie common sense reasoning wid no itching…straight from outta di garden, natural and raw…no flesh cooking…Mama NYMBA style.

“It matters not the height of evil. It is not as good as the lowest of Good. Evil is nothing, it withers and die after a time. Good last forever. Do Good all the Time…BE GOOD.”
~NJAII Yah Ma’at B. A.

CONTEXT AND CONSEQUENCE
(Ep-02)

Now for today’s spell breaker session and as usual, first wi a guh scrutinize the etymology of di two words dat mek up di compound words CONTEXT and CONSEQUENCE; bearing in mind the analyses of the spell word COMPOUND and the prefix CON from our previous session. (See excerpts below)

Now we know the base on which CON is perched (upon) let’s take a closer look at TEXT in CONTEXT and SEQUENCE in CONSEQUENCE and let the fun begins.

CONTEXT

What really is CONTEXT spelling when you look at and see it from an etymological point of view? Mek wi check it out fi wi self and see nuh. A fi dem spellings enuh, suh mek we analyse dem syllables by syllables widdout matta crust inna wi yeye. No disrespect but unuh might all haffi close unuh two yeye dem and utilize unuh inner yeye fi help unuh see clearly. Unuh ready? Aight, let’s roll and memba seh wi already know weh CON mean inna patriarchy spellings books; and wi know it nuh mean nutten good and only benefit who ah wheel di CON wand, di CON-MAN.

Suh onwards to di etymology of the spell word “TEXT” and den further dung wi ah guh plug een di CON ‘driver’ inna di prefix ‘socket’ and see how dat deh plug-in deh fit eena di overall scheme of things as it relates to the combined or compound spell word,  CONTEXT.  Mek wi see weh etymonline.com haffi seh bout it, grab unuh notebooks and pencils and mek wi tek note:

Suh unuh see clearly seh nowadays wen people seh dem texting it nuh change much from the activities of texting in the past. Nuff a di concepts still remain but It jus more…wah mi wudda call high-tech texting, meaning dat more technology involves in di process now; but dat a story fi nedda day. Mek wi stay focus pon di subject of di matter fi now, which is, the root meaning of the spell word, TEXT.

Mek sure fi not just observe but scrutinize the origin and history of di word TEXT according to his story. Which his-story yuh ah refer to Mama NYMBA? Patriarchal fuckery story wi a chat bout. Dem ass shit up and wi nah fraid fi point out di fuckery. Well it deh deh clear fi all who wah read fi see and overstand. Long and short, according to di root, TEXT is di wording of anything written, matters not who ah write it or spell it. TEXT is TEXT.

Zone een yah suh fi a likkle bit:

“…late 14c., “the wording of anything written,” from Old French texte, Old North French tixte “text, book; Gospels” (12c.), from Medieval Latin textus “the Scriptures; a text, a treatise,…”

 

Now mek wi analyse utilizing the powers of word, sounds, and common sense.

Mi nuh know bout unuh enuh, but although mi si TEXT, BOOK have a comma between mi still see di manifestation of dat deh word-sound pack up eena pickney knapsack a Jamdung going from class to class, lesson to lesson and grade to grade, school to school. Di mount a text book mi si some pickney have inna dem school bag, dem stop call it knapsack and call it back-pack how di pickney dem back bend and curl over under di weight and pressure of di big bag ah TEXT-books. And nuh badda ask  how much dem TEXT-books deh did weigh dung parents pocket from it deh pon di book list till it manifest eena knapsack pon back. Woi to rass…ah yah suh whole heap spell-casting kickstart like fisherman outta sea a cast net…what a kackaclawt!

Unuh jump over di text, book and look weh come next….woi mi madda titty nipple….di GOSPELS! From di class room to di bloodclawt altar wid di GHOST Spells! Unuh tink patriarchy a play wen unuh a play. Nah sah…when unuh a play a deh suh dem trap set, inna fi unuh playing field. Watch di word sounds mi people cause cuyh yah, next rolling een inna di etymology is “the Scriptures”. It cum een come indoctrinate yuh biological system and seal di deal fi patriarchy and secure di spellings till di unsuspected latch een perfectly wid di infection (side effects) call Stockholm syndrome. Unuh nuh badda mi ration….ah wah gallang eena Big Mama simulation?! Matrix now look more like patrix and Big Mama picktcha tek offa wall and bury unda cellar! What a bangarang wen Big Mama kick dung door and step een! Nuh badda guh dung dah cubby hole deh yet yah Mama Nymba mek wi stay focus.

Den look how dem spell language versatile. It can “act” as a noun and a verb. When it is a noun, it is “the wording of anything written” and when it is a verb it is “sending a message by a mobile system” according to etymonline.com. And note di verb part only kick een afta 2005 when dem tweak di spell….lol.

“TEXT (v.)

“send a text message by mobile system,” 2005; see text (n.). Related: Texted; texting. Formerly it meant “to write in text-hand” (1590s),

Careful scrutiny must be place here as well,

“…Also in English from late 14c. more specifically as “an authoritative writing or document; a translated discourse or composition (as opposed to the commentary on it); story, tale, narrative; Christian doctrine; a passage of the Bible (as a proof or a subject of discourse); the letter of the Scriptures,” especially in the original language.”

Others working to break the evil parasitic spells of Patriarchy

Notice nothing in the etymology line up TEXT with TRUTH. Yuh see story, tale, narrative, Christian doctrine, bible passage, scripture and importantly, authoritative writing or document. You see how mek up story, narrative or context can be projected as man-made laws and holy scriptures? Check dem textbooks, bible stories and even dem law books. Dem set dem stage and trick yuh into “acting” wid dem. Tink a joke? Look yah,

“…earlier, in Late Latin “written account, content, characters used in a document,” from Latin textus “style or texture of a work,” etymologically “thing woven,…”

You even see, “characters used in a document”. Remember word sounds and characters are use to weave the TEXT fabric. Sometimes people play characters to contextualize a story, nuh true? Hahaha…𝄟dah dah dee ♪. Anyway, ketch dah part yah weh dem seh,

“…from Latin textus “style or texture of a work,” etymologically “thing woven,” from past-participle stem of texere “to weave, to join, fit together, braid, interweave, construct, fabricate, build” (from PIE root *teks- “to weave, to fabricate, to make; make wicker or wattle framework”).”

And dis,

“TEXT (v.)

“send a text message by mobile system,” 2005; see text (n.). Related: Texted; texting. Formerly it meant “to write in text-hand” (1590s), text letters being a kind of large, uniform writing used by clerks in the text or body of a manuscript (distinguished from the smaller hand used in the notes). Texted (adj.) is attested in early 15c. as “versed in books, learned in texts.” Latin agent noun textor meant “a weaver.”

Now all ah dat simmer dung and tell wi seh a fabricator is also a WEAVER; and when you put a TEXT together you are basically WEAVING a story or if yuh wah yuh can seh a narrative. Therefore a person conjuring a TEXT could be seen as not just a weaver but also a spinner of yarns, a storyteller, a poet, or even a scribe. Which part your mind tek you back to wen you hear scribe? ♬Dah da dee ♫dah da doh♪… A wonda why scribes and Pharisees vibrate as a pair?

 LEARNINGS

Suh, from wat wi gather thus far as it relates to TEXT, wi see and learn that TEXT is a group of spell words (or letters or characters) woven together to fabricate, weave, join, fit together, braid, interweave, construct or build a narrative or story that may or may not be true. We also learn that TEXT is not synonymous with TRUTH seeing that it is spellings that are woven according to the intent of the weaver, storyteller or scribe for his or her own purpose or objective.

With that said, let’s see what etymonline.com say about CONTEXT:

Suh we can clearly see how easily the “CON plug-in” fits nicely inna TEXT prefix socket fi mek CONTEXT run even smoother wid CON as di driver? Every device needs a driver, guh ask yuh computer if yuh tink a lie. Some driver nuh fi get upgrade but dat ah story fi nedda day. Long and short, CONTEXT is a mechanism (or device) fabricated, joined or woven together in the form of a text, book, narrative, story or even the gospel (aka Christian dogmatic doctrine) to assimilate and give you a particular outcome (while the di weaver/fabricator harvest the income). plain and straight.

Aight…unuh stick a pin right deh deh suh and mek we carry di flow and guh dissect di next CON word, “CONSEQUENCE”. Wi a guh show unuh seh CONTEXT and CONSEQUENCE compliment each other inna di evil patriarchal CON-SCIENCE fucked-up spell system.

 

CONSEQUENCE

With all the cons we’ve learn from the previous CON words, from CONSCIENCE to CONTEXT, what kind of a spell is CONSEQUENCE really telling us it is casting when we look at it and see it purely from an etymological point of view? Aight…jump een and mek wi reason.

As we seh above, we already see and know di CON from an etymological standpoint so wi a guh just jump right into SEQUENCE etymology and den later on we analyze it wen it is compounded wid di plug-in driver, “CON”. So, saggle up enuh cause a straight natural fya energy wi vibe wid, di fya weh patriarchal vampire fraid of. Suh onwards again to etymonline.com a common place weh people guh look up root words and dem root ‘values’. Mama NYMBA love flow wid di root enuh, cause we prefer TRUTH.

Now check dis; the origin and history of the text (or  the “spell” or the “word”) SEQUENCE is based in the church. Wat a raass laugh! Some call dem babylon…some call dem vatican but ah baby lion dem, ole dutty vagabonds…coulda neva be grand wizar…

– Kibba yuh mout new chile and protinue to read patriarchal spell wuds weh dem conjure up for a while; wid dem evil magic wand. Tan tuddy eena di grandstand…cause ova bleachas hot! Football cyah kick wid cricket bat. To raas! –

Aight…mek wi protinue, “Inna church music” yuh find dem sequences. Den check out di composition part weh dem “seh or sing after the Alleluia” what eva dat is. Wi observe dat dem spell it wid capital ‘A’, so to dem it important. Anyway, now unuh know when parson a prompt unuh fi seh alleluia and amen inna dem gospels (gas pills), parson himself may just be a snake inna grass or an altar fi a vampire. Unuh fi check di spells weh dem ah cast from di pulpit…ole culprits…but wi naw guh gaze pon dem and get led astray. Watch di fuckah dem nuh…like dem good. chuups. Dwrcl! chuh!

Look yah, unuh tek good note enuh and si dat SEQUENCE also mean to follow and watch weh gwaan by di 1570s fi kick een; SEQUENCE expand to become accepted as “…a series of things following in a certain order or succession,…”.

We can stop yah suh now enuh; causen seh, nuh binoculars nuh needed fi see wat we seeing now dat wi dig up di SEQUENCE root. Unuh see why dem can predict unuh future fi unuh from fi dem story? Unuh see how dem can mek dem self look like a prophet when a yuh a dem profit? You see why dem can forecast unuh weather for unuh when unuh unda fi dem sky? See why dem can tell unuh weh a guh come inna revelations? A who script the spells inna di end part ah dem bible text?

Others working to break the evil parasitic spells of Patriarchy

Lawd a massi…dawg a fassi…patriarchy naassi! Divine Mama cova mi!

Unuh see di CON inna di SCIENCE. Unuh si CON inna di TEXT. Unuh si CON inna di SEQUENCE. When di CON man win and yuh get lost inna di CONCEPT or drown inna it if yuh refuse fi leggo. Your step is your step but yuh ah mek di CON-MAN’s trek when you enable evil patriarchy wid yuh actions in dem wikkid parastic spell casting fuckeries. See it yah clear has day at di root of di SPELL:

A weh di raas dis? By di 1950s the noun sequence grow a verb stem and is now being used in biochemistry and computing…No sah…if mi laugh mi pop. I wonda ah who a di master wizard behind dem spellings yah. Cuuyah! Dung eena 13c. and late 14c., SEQUENCE is a noun text tie up unda religion according to wah dis seh yah suh, “…late 14c., in church music, a composition said or sung after the Alleluia and before the Gospel, from Old French sequence “answering verses” (13c.)”.

♫ ♫ Dahh da dee 𝄞 dahhh da doh…♬

Unuh look yah nuh man! Mi nuh need fi guh nuh furda wid dis?! Den unuh nuh see seh CON is a perfect plug-in fi patriarchy inna di SEQUENCE prefix socket?!

Both eena TEXT and SEQUENCE spellings yuh see clear clues dat evil patriarchal religious spells are at play as the etymology reveals for both SPELLS. See it yah if unuh never notice it good-good, look pon di whole heap ah red flags dem again.

TEXT:

• “…Old North French tixte “text, book; Gospels” (12c.)…” (A fi dem dogmatic spells have woman unda bondage)
• “…from Medieval Latin textus “the Scriptures;…” (Time fi break di religious spells)
• “…Also in English from late 14c. more specifically as “an authoritative writing or document;…” (A fi dem spellings mek up di laws weh a heng di masses)
• “…story, tale, narrative; Christian doctrine; a passage of the Bible (as a proof or a subject of discourse); the letter of the Scriptures,” especially in the original language…, (Time fi leggo di fabricated lies. Now yuh know weh Bob Marley feel wen him seh him “feel like bombing a church”)

SEQUENCE:

• “…late 14c., in church music …”, (Religious spellings in full swing inna dem sequence)
• “…sung after the Alleluia and before the Gospel…” (Religious Spellings and programming)
• “In Church use, a partial loan-translation of Greek akolouthia” (Religious Spellings at work inna church)

Take note of the relational spellings that are being shared between TEXT and SEQUENCE. Now wen wi plug een di “plug-in” call CON inna dem prefix sockets; wi get, CON-TEXT  and CON-SEQUENCE. But hold on likkle bit deh, mek wi see wat etymonline.com have fi seh bout CONSEQUENCE and den wi wrap it up and bun di rubbish:

Suh now, as cording to common sense reason and logics, TEXT is any mek-up story (guh ask BRER ANANCY) by any spell weaver or “fabricator” with a specific intent for a desired income(outcome); be it fiction or non-fiction. Di learnings show wi seh TEXT is a group of spell words woven together to fabricate, weave, join, fit together, braid, interweave, construct or build a narrative or story that may or may not be true.

We also learn that TEXT is not synonymous with TRUTH and therefore have nutten fi do wid it. We learn that TEXT is knitted letters or characters use to create spellings that are “woven” into a contextual fabric according to the weaver’s or fabricator’s intent in accordance to his or her objective.

Common sense blatantly ah show wi again seh fi dem ting follow SEQUENCES (‘that’s why they love to copy and paste concepts’) and ah suh dem get fi manipulate yuh wid dem CON science weh full up a CONTEXT and trick you into having a so-called conscience while dem appear to have none. All a dis so dem can have some where to plug een dem “flash-drive” wid di CON plug-in fi run in their engineered SEQUENCES. If suppen guh wrong, yuh one face di CONSEQUENCES cause ah dem alone really know dem planned SEQUENCES but because you may have your one or two degrees of dem “so-called truth” cause yuh get ‘training’, you did think you did know enough to create good impressions, get a promotion so you can get a fatter pay cheque. But ah right deh deh suh yuh get scam or rather, CON. And try know seh a nuff team members dem have weh know more bout di SEQUENCES dan you do.

For example; Suh here you go thinking that you are a ‘good’ worker, working within the CONTEXT of your scope of your work according to your job description. However the truth is, you are an employee with knowledge of one or two lines of TEXT for the mission statement and another one or two lines for the vision statement. If yuh really think a Mission or a Vision statement is really that short, then think again? The spell SEQUENCE runs deeper than you’re led to think.  All dem need is just for you to get ‘caught-up’ in the woven CONTEXT of the job above ground so that you can create a cover so their money laundering business can operate in peace below ground so dem nuh haffi pay nuh tax and di mafia government tan inna di dark where dat is concern…long and short. Dead wid raascaawt laughl! If yuh ketch it, yuh ketch it. But know seh if dem get ketch ah cheat di mafia government outta fi dem cut of yours and others harvested energies, dawg nyam fi yuh suppa and yuh haffi guh suffa yuh owna CONSEQUENCES fi ah gwaan like a yuh did own di place or yuh have shares inna it when mafia government a seize assets. Di government a parasite to enuh….dem a instruments of patriarchy. Which politician yuh hear mean weh dem seh and seh weh dem mean? kmft. Di whole a dem ah CON-ARTISTS ah capitalize and benefit off evil patriarchal systems.

Woi mi baddi! Unuh nuh badda mi!

Di CON spread out suh far and wide till is like everybody a craft SEQUENCES and ah use it in and out ah CONTEXT pon dem one aneda. Dem don’t even need nuh wand fi cast spells these days. Some all ah end up inna some fucked up places like hospital, morgue and prison as a result of di CONSEQUENCES of dem fabricated TEXTs or dem evil actions inna fi dem SEQUENCES. Look yah…and dat ah jus a likkle tuups ah reasoning enuh…cause dis yah can reason pon from now till ah mawning…

…Hear wah to raasclawwt….Sledge hamma dem bumboclawt and low dem and dem CON spellings….we are di PROs wi nuh inna di bloodclawt CON science and religious spells…FYA fi evil patriarchal wizards…unuh story come up to bump and unuh ass shit up! Wi mind too free over yah suh fi unuh and unuh fuckery…FYA fi dat raasclawt! Tings far more divine and noble wen Divine Mama deh a di helm. Even his story  show you seh tings did betta when God was a WOMBMAN. Divine Matriarchy wi seh to di core!

Watch yah…if yuh mind free up, yuh have nuff Self Respect and yuh can harmonize wid good vibe, link up and wi can chat pon it some more inna wi VIP group chat, STAR VYBZ. See link below. Wake up time now…wi nuh inna di fuckery. If yuh ready fi jump on pon a GOOD starship den see one yah. Like-minds unite and mek wi blaze di righteous fya in the Eternal Energy of the Divine Mama of Righteous Goodness. Click di image to join our VIP group chat, STAR VYBZ on Telegram.

In di meantime…unuh walk Good till next time…and mek sure fi Be Good All The Time.

QUOTE FOR THE DAY:
“Practice the knowledge so you can inherit the wisdom.”
~NJAII Yah Ma’at B. A.

Ubuntu…I am because we are…we are because I am. (NYMBUNTU)
MN

BREAKING THE CON IN DEM SCIENCE