When God Was A Woman
When God Was A Woman
– She before He Lives in sHE –
Only inna patriarchal systems woman seem to act confuse and disoriented while some man fuse appear twist-up and distorted. Nature holds the clues and answers to every mystery and unanswered mental questions. But, some people still wah fi hold on pon some belief system dat some guy from some weh up inna di sky did come dung yah suh pon Mama Heart (unuh seh Earth) and come pull har outta har son’s rib cage! Wat a big heap ah dawg shit doh eeh!? Mumma! Lawd ah massi…ah wah ah galang pon Big Mama land! Woi mi raas!
Which part inna di worl unuh see dem a draw pickney outta wombless man pum-pum?
Can smaddy please show mi which eh part inna Big Mama Nature dem si di ‘male’ species ah give birth to di young ones and specifically di female version of its kind. Ah beg unuh fi show mi which eh part inna Mama Nature unuh si di male species nurturing and protecting di young ones; and wi nah talk di bud dem weh dem show wi seh di female bud fly weh gwaan guh look food fi come feed di young one dem while di male bud babysit. Which part inna di worl unuh see dem a draw pickney outta wombless man pum-pum? Unuh look yah nuh man…chu…unuh eva si a madda hen and har pickney dem yet?
Yuh doh even see raas cock! Rooster nuh deh nuh weh roun wen shi a stroll corn grung wid har bag a chicks.
Guh try grab one and see weh shi bloodclawt duh! chuups!
Look yah nuh womb-man and wombless-man, a full time now unuh leggo offa dis distorted patriarchal colonial fuckery and mek wi wuk togedda and rebuild di ting; causen seh dis aya cyah repair. It too disjointed and well, well fuck up suh till it juckie-juckie like makka tree. And nuh badda gwaan like yuh nuh know seh di system pwile-up, pwile-up; yuh know it deep dung inna yuh gut…yes a yuh weh ah read dis mi ah chat to…yuh same one. A suh yuh ah guh continue accept dis evil patriarchal monopolistic vampiristic fuckery?
Since ‘God’ tun wombless-man ah so-so organized chaos and disorder…
Wen dem so-call god was a wombman more nurturing and caring did inna di ting.
photo by Alexis-MacDonald
Pickney nah guh dem bed hungry and man nah walk roun’ ah kill off demself like dem ah eediat. Since ‘God’ tun wombless-man ah so-so organized chaos and disorder wid ah whole heap ah crocus bag ah vampirism and truck loads of political fuckeries.
Patriarchal con-artist in motion
Not fi mention di bag a nastiness dem project pon people screens fi cast dem low vibrational sex spells, ah try infect everybody fi mek dem just wah fuck off dem one aneda and figet dem Divine purpose.
Wen ‘GOD’ was a wombman di ting balance inna Morality and Divinity wid proper Standards and Righteous Order. Now, some ah unuh nuh know unuh boundaries suh unuh nuh hesitate fi disrespect someone else’s. A di system code unuh suh enuh; and widout antivirus cause dem haffi hide Mama from unuh fi trick unuh. Ah nuh suh di Divine Mama ting guh. Manners, Respect and Dignity haffi tan up strong inna yuh when Mama deh a di helm. And yuh walk and hold yuh head high wid Pride cause yuh full up ah SELF ESTEEM dat is well polish and shine.
Just step back likkle before di patriarchal infection plug in wid dem distortion and guh check out di Ancient Matriarchs Civilizations and reactivate yuhself wid some Ancient Ancestors’ Intelligence (AAI). Look yah nuh woman and man, reverse engineer dutty patriarchal bad fuckery spellings by refining yuh Energy and reactivate yuh self wid good vibrational frequencies. Well, dat ah if yuh nuh fraid ah truth and yuh ready fi accept the information for divine transformation and upgrade. While yuh at it, close yuh eyes and look pon dis:
- SHE: is carrying HE to the end.
- FEMALE: is carrying MALE to the end.
- HER: is carrying HE from the beginning.
- LADY: is carrying the LAD from the beginning.
- WOMBMAN: is carry MAN to the end.
- MAN: is holding on to half of M A M A from the beginning.
- MASCULINE – stretch out long but still hanging on to half of M A M A from di beginning.
- FEMININE – Mama carries the magical NINE to the end. (pay keen attention this end).
Look yah nuh man, it’s full time now you embrace the fullness of MAMA. Look, She’s all around you and most of all She lives within you – all of you. Including you patriarchal man and patriarchal woman. Patriarchy makes you motherless and yuh wayward father ah hide behind cloud in di skies. Evil patriarchy is a wikkid virus that infects the mind and distort your perception of reality, forcing your mind to believe that this evil way of living is the only way even if it’s killing you. You can’t deny what they feed you everyday, more like force feeding the junk down the throat of the masses with mass media corruption. It’s time to break the evil patriarchal spells.
Divine Matriarchy is the Anti-virus, the Antidote, or if you prefer, the cure to patriarchal dis-ease. Divine Matriarchy will help you reverse the bad spellings of patriarchy with Divine Livity so your Energy can truly ascend into a much more refine state of existence.
The Matriarch – by Nancy Noel
Wedda unuh wah accept it or not, who gives a fuck? Wi know seh Mama Nature is di Bigga Boss inna di scheme ah tings. Check it. Nuh man nuh control Mama Nature but him can kill off him self trying if him want. Who ah stop him? Hahaha ah ha… ♫ dah da dee…dah da dei… ♬ Big Mama nuh answa to nuh man, gal or bwoy ♪
~ Tiyah Ma’at B. A.
NM-D3.690 – 03.10-55
If yuh mind free up, yuh have nuff Self Respect and yuh can harmonize wid good vibe, link up and jump een on di discussion inna wi VIP group chat, STAR VYBZ. See link below.
Wake up time now…wi nuh inna di fuckery. If yuh ready fi jump on pon a GOOD starship den see one yah. Like-minds unite and mek wi blaze di righteous fya in the Eternal Energy of the Divine Mama of Righteous Goodness. Click di image to join our VIP group chat, STAR VYBZ on Telegram.
